الإثنين 15 يوليو 2024

الحلقه الثالثه

امل جديد

موقع كل الايام

البارت الثالث 
الثالث 
أنت إيه إللى جابك هنا تانى 
قفل الباب وقرب قعد قدامة وقال بسخرية 
مفيش جيت علشان اسلمك حاجة تخصك. 
وياتره الحاجة ديه تخصك ولا تخص هنا يا رائد باشا. 
اتنهد وطلع علب شبكة وحطها قدام تيم وقال 
اتفضل ديه شبكتك للاسف هنا مش هتقدر تكمل مع واحد عاجز زيك. 
ابتسم پألم وحزن على نفسه  رغم إنه كان متوقع إنه ده يحصل بس قلبه  اتوجع على قصة حبه إللى طلعت هشة اووى والبنت إللى حارب الكل علشانها قررت تتخلى عنه فى اول مشكلة وقع فيها  حاول بكل جهده يسيطر على  غضبه ويخفى دموعة وبص لرائد بعيون  تشبه للون الډم وقال پقهر 



طيب بما إنها بعتت معاك الرسالة ومجتش واجهتني بنفسها ف ياريت كمان توصلها رسالتى وتقولها إنى مش عاوز اشوف وشها مرة تانيه ولا حتى صدفة فى الشارع واتفضل انت كمان اطلع بره. 
ابتسم رائد بسخرية وبصله بنظرات شفقة كسرت قلب تيم وقال 
حقيقي أنا شفقان عليك اووى يا تيم  معقولة تيم إللى عمره ما فى حاجة كسرته قاعد قدامى النهاردة عاجز مش قادر يتحرك!! لا وكمان حبيبتك إللى كنت بتفتخر بيها اووى ووقفت فى وش الكل علشانها النهاردة قررت تسيبك لانك مش هتنفعها حقيقي أنا شفقان عليك اووى. 
تيم اتعصب وفقد اعصابة وحاول يقوم مقدرش  حرك دراعة وقرب من الادوية الموجودة على التربيزة جنبه ورماها كلها فى  الارض اتكسرت  بص لرائد الواقف خاېف من جواه من منظره ورغم كده بيحاول يبان جامد مسك رقبته وحاول ېخنقه 


الظاهر إنك نسيت نفسك ونسيت أنت بتتكلم مع مين ومحتاج افكرك. 
رائد مسك إيده وحاول يبعده وهو پيصرخ 
ابعد عنى ھموت. 
الممرضة اول ما دخلت وشافتهم طلعت بسرعة وبلغت الممرضين والدكاترة علشان يتصرفوا. 
هاتوا حقنة مهدأ بسرعة. 
قالتها ريم وهى بتقرب من تيم وتحاول  تبعده.. زقها وقال پغضب 
ابعدى عنى أنت كمان. 
الممرضة جريت عليها ومسكتها  والدكاترة بعدوا تيم عن رائد ومسكوه رائد فضل يكح ويحاول ياخد نفسه صاح فيهم پغضب وهو بيبصله بوعيد 
ابعدوا عني سبوني أنا بكرهكم كلكم